2018年2月28日 星期三

靠北揾食(5) 撕椒

好快又黎海岸城食野,今次尼個約會係半年前約的,一路拖到而家,咁朋友本身有點事要在西部通道做,咁早幾日係海岸城見到尼間店,所以跟食得辣朋友我梗係提議食撕椒,我食唔到佢地都可以清左佢唔浪費
有一點要講她和早幾日食嘅探魚都是同一個老細黎架

撕椒食嘅係好有江湖味嘅重慶菜,但却小女心爆棚,店家花左好多心思去吸引女性黎幫襯,牆身天花畫左好多花花
連牆上撕椒個名都痴滿晒紫紅色嘅假花
不過我想最受歡迎嘅裝飾一定係掛係天花板道五顏六色嘅花球,係撒椒入面食野真係好似置身於花海之中

上菜用嘅碟都係花嘅形狀
暴力豬腳燜得好諗,薯仔可以色費無限refill
芝麻豆花魚,尼煲魚唔係好多,豆花3件索曬D湯汁所以非常之好食又滑溜,係成煲野中最好食嘅一樣野
 粉蒸排骨,嬌小很有肉汁
 粉蒸素四寶,很好奇菜也可以做粉蒸,叫來嚐一下,菜甜甜
 清炒菜芯,用豬油粒及蒜頭炒,很惹味。今天食飯時間是12點半,想點些青菜,結果3個菜只有一個有供應
水果茶,有點甜甜,檸檬及橙清香喝下去很舒服


 服務員本來介紹食上面那個套餐,得知我們沒有微信支付,說沒那有辦法,只有單叫,我聽到覺得要快些搞及學那個微信了,因為那個優惠很多店家都有提供真的很吸引
這裏比探魚又好一點,台上的紙巾服務員會問你要不要,不要的話會收走的

2018年2月27日 星期二

豬肉蛋捲




材料:
豬肉碎8兩,蛋3個,生粉1湯匙
醃料:
糖1茶匙,鹽半茶匙,胡椒粉適量
做法:
1. 豬肉用醃料搓勻加入生粉1茶匙,水3湯匙,醃約15分鐘
2. 把蛋加入1湯匙生粉水拂勻
3. 燒熱鍋,加入油用紙抺勻,蛋液倒入搪勻後,把多餘蛋液
倒出,見開始凝固熄火用餘温把蛋皮煎熟後取出放碟上
4. 半份豬肉鋪在蛋皮上,然後慢慢卷起,放入鍋內隔水大火蒸20分鐘即可取出切段(喜歡可以切薄片)








2018年2月26日 星期一

靠北揾食(4) 探魚

團拜時漏左D野係大長老到,咁佢又番到西麗,所以我要千里長征了,順便約了她在后海食中餐,這個地方及餐廳我都未去過有點冒險
深圳地鐵好像蜘蛛網有些地方不能直達必需轉車,我只識幾個地方站,重要教大長老她離開西麗站點樣搭車到后海、點樣轉車、點樣最化算。
因為2016年我帶了朋友跟長老一起去擇荔枝,我那次沒跟長老包車上,要在深圳北站紅線(4)轉紫線(5),那裏有2個建築物一個火車站一個地鐵站像香港機場大它們是分開唔重疊,我們上上落落由紅線走向紫線建築物,行左超過廿分鐘,那次對朋友真係唔好意思,我又唔知環境無諗過地方咁大之後對大陸陌生車站有點擔心,特別在大站轉車
到后海就很簡單,D1出口嘅右手邊有個扶手電梯上,直行就見海岸城
見到這裏嘅地標建築兩旁就是海岸城東西座 
我十點半出門口本來約大長老食中餐,誰知到這裏已經是2點半了he~ ~ 初時怕店家中午休息,又怕人多要等位,好在它是24小時營業的,重有空枱添,咁樣我放心 

餐廳嘅裝修行文青路線,重用左多復古嘅擺設

 茶位費@5元,問清楚原來是一包紙巾及乾菓
 菜單用卡通風格,睇完點餐紙以為要用微信支付,好在還可以用現金 he~ 大鄉里出城
尼個時間係二點幾,我地點好菜個點餐紙交服務員,佢用好快我又聽唔明嘅話講有幾樣野都無,跟住就去入機無理我地,攪到我同大長老倆眼對望,定完神我地無奈就話,無唔緊要啦要,我地本來點多左
水杯都搞下新意思寫D金句係上面,而提供嘅茶係檸檬紅茶,不過要自己去斟
 藍莓山葯—用冰水泡過山葯拌勻藍莓醬,未食過幾得意,未想過可以咁食
蒜泥青瓜—味道清淡幾好
淩波魚—係乜魚未聽過,配的是醬香味,醬香有點似沙茶醬
上枱時用一個大鐵鍋下面重有加熱,另外加了腐竹及大白菜兩個配菜
烤羊肉串
羅漢果茶、烤韭菜
今餐220元人仔,幫襯是星期五的話有機會可以平一半,那樣抵很多
黎到尼度週圍望發現離西部通道關口好近,咁下次唔使係福田過關搭成個鐘地鐵咁晒時間囉!! 

2018年2月25日 星期日

團拜

大年初八親戚團拜,今次D年青人、新手爸媽及BB都黎所以有2圍很熱鬧的,今次幫襯嘅尼間有點特別係在工廠嘅飯堂

晚上七點進入時都覺得有點靜有點心悸
好在Lift門一開,見到有個小小擺設就知無去錯地方,這裏有兩個大廳,一個好像茶餐廳咁有卡位小圓枱,見很多人三三兩兩在晚餐,我地這間就有8張大枱,最好是地方都幾闊,枱又大坐14個人都唔迫,到左八點半就坐滿人了

 服務員同我地講粉紅色紙就是全部菜式散叫好抵食價錢又抵(哈..又會咁推介手法)

 我地七點到八點半先上菜,店家每枱送上兩碟冷盆比我地食下先(正常D酒樓一早催左好耐,重等我地慢慢討論食乜)
 高湯焗海虎蝦
 酥炸生蠔—桶蠔好大隻,墊底嘅生菜話係有機生菜,叫我地一定用佢捲住生蠔一齊食
 七彩炒花枝蚌片—菜碼很大,幾個新手爸媽帶住小朋友及BB同我地D老人家拜年好忙,我食到這裏都覺得好飽了
 金蒜蒸元貝
 大龍躉兩食—食到這裏大家都停晒手了,只好打包了

黑椒和牛粒
 海南鮮雞
臘味糯米飯—而家寫blog先留意到店家換左菜,本來是鮮蝦荷葉飯,哈~ 可能大家都滿意所以無理佢啦
重有個雞蛋糖水同柑無影
食到成10點半,大家都帶住滿足心情回家

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味